As explotacións están coordinadas baixo o funcionamento dunha asociación de produtores, que agrupa 10 familias comprometidas coa agricultura sostible e que traballan baixo os principios agroecolóxicos, respectando o medio ambiente, promovendo a saúde das persoas consumidoras e fortalecendo a economía local.

Disponse de máis de 20 hectáreas de produción ao aire libre, complementadas con preto de 27.000 m2 de produción baixo cuberta.

Ofrécese un servizo de venda de hortalizas con certificación ecolóxica do Consello Regulador da Agricultura Ecolóxica de Galicia, de tempada, proximidade e máxima frescura, a través dunha plataforma virtual que proporciona unha canle de venda conxunta.